По неколкумесечните преговори, денеска, на денот на пивото, холандската пивара „Хајнекен“ објави дека ги купила акциите на АРБ, еден од најголемите производители на пиво во југоисточна Азија, познат по својот најдоминантен производ, пивото „тајгер“.
Во соопштениото од „Хајнекен“ се вели дека тие поседуваат во моментот 41,9 отсто од акциите во APB, додека „Fraser and Neave“ (F & N) имаат 40 проценти.
Сумата од 4,1 милијарда долари не беше доволна понуда од „F & N“ за Холанѓаните да се откажат од бизнисот во Азија.
Претходно холандската пивара најави дека има намера да ја преземе „APB“ и да обезбеди директен пристап до пазарите како што се Камбоџа, Кина, Индонезија, Малезија, Нов Зеланд, Нова Гвинеја, Сингапур, Тајланд и Виетнам.