Генералниот секретар на ОН, Антонио Гутереш, денес изрази неверица во извештаите за убиени или повредени Палестинци кога израелските сили отвориле оган врз нив додека се обидувале да достават хуманитарна помош и повика на независна истрага.
„Неприфатливо е Палестинците да ги ризикуваат своите животи за да добијат храна“, рече Гутереш, според Ројтерс.
Најмалку три лица се убиени, а 35 се ранети во утринскиот напад на израелските сили врз Палестинците, што се случи во центарот за дистрибуција на хуманитарна помош во градот Рафа во јужна Газа.