НАТО и Европската Унија се подготвуваат за воен конфликт со Русија, изјави денес заменик-министерот за надворешни работи на Руската Федерација Александар Грушко во разговор со новинарите.
„Беше одржан многу важен разговор за многу сериозно прашање“, рече тој по состанокот на работната група „Единствена Русија“ во Државната Дума, пренесува ТАС.
Грушко рече дека се разговарало за војната и мирот, моменталната безбедносна состојба и воените подготовки на НАТО и Европската Унија.
„Тие конкретно се подготвуваат за воен конфликт со Руската Федерација“, нагласи Грушко, пренесува Танјуг.
