Над 32 тона хашиш скриени во камион со марокански регистрески таблички, беа запленети во Шпанија, соопшти МВР во Мадрид.
За време на операцијата уапсен е возачот на камионот – Мароканец кој превезувал дрога со вредност од околу 50 милиони евра.
Хашишот бил натоварен во Танжер и пристигнал во шпанското пристаниште Алхесирас. Во 1996 година во Шпанија беа запленети 36 тони хашиш. Во 2012 година шпанските власти конфискуваа 20,7 тони кокаин (25 отсто повеќе од 2011 година) и 325 тони хашиш.