Германските конзервативци и Социјалдемократската партија ќе формираат коалициска влада

Од:

Германските конзервативци (ЦДУ/ЦСУ) и Социјалдемократската партија (СПД) ги завршија прелиминарните разговори за формирање коалициска влада, соопштија денеска партиските лидери.

„Имаме заеднички документ кој е основа за коалициските преговори да започнат следната недела“, рече на прес-конференција лидерот на Христијанско-демократската унија (ЦДУ) и кандидат за канцелар Фридрих Мерц, пренесе Билд.

Најголем камен на сопнување во потенцијалната соработка беше прашањето на миграцијата.

Мерц најави пакет мерки во миграциската политика кои ќе вклучуваат поголема гранична контрола за да се намали бројот на мигранти кои влегуваат во земјата.

Тој рече дека разговорите се одвивале во „добра и колегијална атмосфера“.

Лидерот на СПД Ларс Клингбејл рече дека претстојат тешки преговори и дека ќе им препорача на партиските тела преговорите да продолжат.

Унијата (ЦДУ/ЦСУ) на Фридрих Мерц освои најмногу гласови на неодамнешните избори, а по неа е екстремно десничарската Алтернатива за Германија, а на трето место е СПД на канцеларот во заминување Олаф Шолц.

Би можело да ве интересира

Жена со нож избоде 17 лица на железничка станица во Хамбург

Горан Наумовски

Нов напад со нож во Германија: Дванаесет повредени во напад на железничка станица

Горан Наумовски

Два напади со нож меѓу деца денес во Германија

Мерц и се закани на Москва: Русија ја загрозува безбедноста во Европа

Горан Наумовски

Мерц: Европа ја „напаѓа Москва“

35-годишен Сириец е приведен во Германија откако избоде пет лица