Германски компании цел на сајбер напади: Штетата над 200 милијарди евра

Од:

Злосторствата во сајбер-просторот, кои вклучуваат кражба на ИТ опрема и податоци, како и дигитална и индустриска шпионажа и саботажа, годинава ќе ја чинат Германија 206 милијарди евра, објави германското дигитално здружение Битком.

Овој резултат е добиен врз основа на истражување на повеќе од 1.000 германски компании, а штетата трета година по ред ќе надмине 200 милијарди евра, пренесува Ројтерс.

– Германската економија е многу атрактивна цел за криминалците и непријателските држави, а границите меѓу криминалците и актери контролирани од државата се нејасни – изјави претседателот на Битком, Ралф Винтергерст.

Приближно три четвртини од анкетираните компании беа цел на дигитални напади во последните 12 месеци, што е намалување од 84 отсто една година порано.

– Малото намалување на бројот на компании кои беа погодени од дигитални напади е позитивен сигнал, што покажува дека мерките за заштита имаат смисла – рече Винтергерст.

Пред една година овој процент беше 45 отсто, а пред две години само девет отсто. Од компаниите кои претрпеле сајбер напади, 70 отсто од компаниите наведуваат дека им биле украдени чувствителни податоци, а 61 отсто дека некој ја шпионирал нивната дигитална комуникација.

Би можело да ве интересира

МВР: Активно преземаме мерки за истраги и справување со „фишинг“ нападите

Севернокорејски хакери извршија кражба на деценијата

Романски хакери украле над 106 милиони евра од сметките на 708 луѓе во Европа

А1он

Укринформ: Украински сајбер експерти ги хакирале серверите на руската Дума и на Уставниот суд

Хакери ја нападнале фирмата „Пристаниште Риека“, украле голем број доверливи информации

НАТО предупредува на сајбер напади: „Русија е подготвена да ги загрози животите со саботажа“