Германската Влада денеска објави нов закон, кој има за цел да ја надмине судската одлука што забранува обрежување од верски причини.
Одлуката од мај годинава на судот во Келн, според која ритуалот може да предизвика телесни повреди, го разгори гневот на муслиманските и еврејски заедници во Германија.
Согласно новиот закон, обрежувањето на малите момчиња во земјата ќе биде дозволено, под услов да биде извршено од квалификувани професионалци и родителите на детето да бидат информирани за сите ризици.
Новиот закон се очекува да биде прифатен од Парламентот пред крајот на годината.