Откако се урна авион во Русија, во кој загинаа сите патници и членови на екипажот, а на списокот на патници се најде и шефот на Вагнер, Евгениј Пригожин, има реакции од светот и бројни теории за тоа што можеби се случило, објави Јутарњи лист.
Russian media report that Yevgeny Prigozhin's plane was shot down by an air defense system – you can see many small holes in some parts of the fallen airplane on the video.
This is what the damage from air defense system shells, which contain destructive elements that could ruin… pic.twitter.com/B1judEmnCf
— Anton Gerashchenko (@Gerashchenko_en) August 23, 2023
Руските служби за итни случаи пронајдоа осум тела на местото на несреќата, објави државната новинска агенција РИА. Шефот на Вагнер, Евгениј Пригожин беше на списокот на патници за тој лет, објавија претходно руските власти.
Непотврдени извештаи на каналите Телеграм тврдат дека авионот бил соборен од руската противвоздушна одбрана.
Советникот во украинското Министерство за внатрешни работи Антон Герашченко се согласува со теоријата дека зад соборувањето на авионот на Пригожин стои руска воздушна одбрана.
– Руските медиуми јавуваат дека авионот на Евгениј Пригожин бил соборен од противвоздушен одбранбен систем. На видеото можете да видите многу мали дупки на некои делови од авионот. Вака може да изгледа оштетувањето од системите за противвоздушна одбрана кои содржат деструктивни елементи кои можат да го уништат трупот на авионот, напиша Герашченко на Твитер.