„Гардијан“: Во Кина се шири нов вирус, заразени десетици лица

Од:

Кинеските здравствени експерти почнаа да следат нов вирус што се шири во земјата, од кој досега се заразени неколку десетици лица.

Новиот „Лангја хенипавирус“ (LayV) првпат беше откриен на крајот на 2018 година во североисточните провинции Шандонг и Хенан, но научниците официјално го идентификувале дури минатата седмица.

Научниците сметаат дека вирусот најверојатно преминал од животни на луѓето. Тие тестирале диви животни и кај три четвртини од материјалите земени од примероци на ровка била пронајдена вирусната РНК, што укажува дека тоа животно би можело да биде природниот резерват за тој вирус. Вирусот „LayV“ е откриен и кај два проценти од проверените домашни кози и кај пет проценти од материјалите собрани од кучиња.

Кај луѓето тој вирус предизвикува висока температура, замор, кашлица, губење апетит и болки во мускулите. Засега нема смртни случаи, пишува „Гардијан“.

Инфектологот Ванг Линфа од Медицинскиот факултет „Дјук-НУС“ за кинеското издание на „Глобал Тајмс“ вели дека случаите на „LayV“ не биле фатални така што нема место за паника.

Експертите засега не знаат дали вирусот почнал да се пренесува од човек на човек. Повеќето од 35-те регистрирани случаи на зараза со вирусот се земјоделци, а останатите биле вработени во фабрика.

Извор: МИА

Би можело да ве интересира

Силен земјотрес го погоди регионот на Синџан во Кина

Кина ја погоди земјотрес со јачина од 5,5 степени според Рихтеровата скала

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Земјотрес со јачина од 5,8 степени по Рихтер ја погоди границата меѓу Киргистан и Кина