Израелскиот министер за одбрана Јоав Галант повика денеска да се прошират целите на војната во Газа на северниот фронт, за да се овозможи враќање на населението во пограничниот регион со Либан, по евакуацијата поради нападите на Хезболах.
„Нашата мисија на северниот фронт е јасна, да обезбедиме безбедно враќање на северните заедници во нивните домови. „За да се постигне оваа цел, ние мора да ги прошириме целите на војната за да го вклучиме безбедното враќање на северните жители на Израел во нивните домови“, рече тој.
Галант истакна дека тоа не значи дека ќе се намали „апсолутната посветеност“ на Израел за уништување на Хамас и враќање на заложниците, пренесува Ројтерс.