Италијанскиот премиер Џорџa Мелони предложи заедничка иницијатива за прекин на огнот во Појасот Газа на самитот на Г7 што се одржува во Канада, објавија денес италијанските медиуми, повикувајќи се на дипломатски извори.
Во разговорите што ги одржа со лидерите на Г7 на маргините на самитот, Мелони се залагаше за усвојување на заедничка иницијатива за прекин на огнот во окупираната палестинска енклава и наводно ја доби поддршката од своите партнери, според добро информирани дипломатски извори, објавува Анса.
Италијанската премиерка имаше краток разговор со американскиот претседател Доналд Трамп, а потоа и со францускиот претседател Емануел Макрон пред да седнат во салата каде што се одржува првата сесија на Г7 посветена на глобалната економија.