Според извештајот на Европската агенција за гранична контрола Фронтекс, бројот на лица кои незаконски влегле во ЕУ минатата година се намалил за 60 отсто во однос на претходната година.
Минатата година, во ЕУ илегално влегле помалку од 205 илјади лица од трети земји, додека во 2016 година таа бројка изнесуваше 511 илјади.
Бројката на лица кои нелегално влегле во ЕУ во 2017 година е најмал во последните четири години, односно од почетокот на бегалската криза во 2015 година.
Лани, мигрантската рута преку Источниот Медитеран и Западен Балкан била значително помалку користена во споредба со претходните години.