Премиерот на Франција, Мануел Валс по инцидентот во кој се оштетени стотици еврејски гробови, ги повика Евреите да останат во државата и реагираше на изјавата на израелскиот премиер Бењамин Нетанијаху, дека европските Евреи треба да емигрираат во Израел.
– Заедно со вас е повредена и Франција и таа не сака да си одите. Жалам поради повикот на Бењамин. Местото на француските Евреи е во Франција- истакна тој.
Францускиот министер за внатрешни работи, Бернар Казенев рече дека нема да биде толериран нападот во кој се оштетени еврејските гробови во градот Сар Инион и истакна дека ќе бидат направени сите напори да се идентификуваат виновниците и да бидат изведени пред лицето на правдата.
Инаку ова не е прв пат да бидат оштетени еврејски гробови, тоа претходно се случувало и во 1988 и 2001 година.
Е. Г.