Франција ќе распореди 500 луѓе, воен персонал како дел од силите на НАТО во Романија откако Русија ја нападна соседна Украина, изјави началникот на Генералштабот на армијата.
„НАТО одлучи да го зајакне своето присуство за да испрати многу јасен знак на стратешка солидарност, за да ги позиционира силите во Романија“, рече Тиери Буркхард за Радио Франс Интернационал и за радиодифузерот Франс24.
„Ќе испратиме околу 500 луѓе со оклопни возила“.
Тој додаде дека Франција, исто така, ќе одржи воено присуство во Естонија, која граничи со Русија, во текот на следниот месец.
Со оглед на „војната во Украина, одлучено е да го задржиме нашето присуство“ од 200 до 250 војници со оклопни возила во балтичката земја, изјави тој.
Извор: МИА