Шпанските рудари и нивните симпатизери бесни поради новите мерки за штедење се судрија со полицијата на една од најпознатите авении во Мадрид, при што шест демонстранти беа хоспитализирани откако полицијата употреби гумени куршуми. Полицијата уапси седуммина, а повредени се и двајца полицајци. Вкупниот биланс на повредени е над 70.
Маршот од околу 500 километри до Мадрид ја доживеа кулминацијата во шпанската престолнина и привлече многу симпатии од Шпанците кои се уморни од серијата наметнати мерки на владата како што се зголемените даноци и отпуштањата од работа.
