Помали групи демонстрати се собраа синоќа во делови од Лондон, како и во Белфаст и во Глазгов, за да протестираат против политиката што во времето кога беше премиер ја водеше покојната Маргарет Тачер.
Група од стотина левичари на лондонскиот плоштад Трафалгар, со „анти-Тачер“ песни, со музика и со пиење шампањско ја „славеа“ смртта на премиерката која Британците и светот ја нарекуваа „челичната лејди“.
Во изјава за лондонските медиуми, учесници на овие протести рекоа дека Тачер е виновна за „уништувањето“ на рударството што предизвика многу луѓе да останат без работа.
За време на протестите во лондонскиот кварт Брикстон, мораше да интервенира и полицијата за да се запре вандалското насилство. Засега нема сознанија кои објекти се нападнати и колкава е предизвиката штета. Во Брикстон каде има бројна црнечка популација во 80-те години на минатиот век, кога Тачер беше премер, избувнаа неколкуденвни расни немири што полицијата брутално ги совлада.
Левичарско „славење“ на смрта на поранешната премиерка имаше и во Глазгов, додека во Белфаст демонстрантите-католици и приврзаници на републиканскто движење, носеа транспаренти на кои пишуваше „Старата вештерка е конечно мртва“.
Лидерот на сеирската партија Шин Феин, Гери Адамс изјави дека Тачер „ја продолжи војната и предизвика маки и страдања во Северна Ирска, со својата драконска и милитаристичка политика“.
Претставник на британската синдикална унија на рударите по повод смртта на Тачер изјави дека таа со својата економска политика „им служеше само на интересите на профитот и на оние кои го создаваат“.