Педесет и шестгодишниот британски милионер, Шоја Шојаи, кој потекнува од Иран, е уапсен во Шпанија, под обвинение дека во заробеништво држел девет манекенки, кои му служеле како сексуални робинки и со кои има седум деца.
Тој на девојките, кои што ги запознал во Лондон им ветил работа во светот на модата и на тој начин ги мамел да дојдат во Шпанија. По доаѓање во неговата вила, девојките кои потекнуваат од Русија, Германија, Монголија, Казахстан, станувале негови заробенички.
Шоја им раскажувал дека е нафтен тајкун и личен пријател со првиот човек на Русија, Владимир Путин и американскиот претседател Барак Обама.
Девојките кои што биле на возраст од околу 20 години на бизнисменот му родиле вкупно седум деца, од кои најмалото има осум месеци, а највозрасното седум години.
Од друга страна, тој вели дека не станува збор за никаков харем и заробеништво, туку тврди дека девојките работеле во неговите компании и дека доброволно имале секс со него.
Покрај него и вработените во популарното одморалиште изјавиле дека не веруваат дека девојките биле принудени да останат во вилата.
-Сите беа млади, убави и модерно облечени. Не изгледаа несреќно- вели еден работник- пренесе „Дејли меил“.
Е.Г.