На централниот киевски Плоштад на независност Мајдан, синоќа изби масовна тепачка, во која има и повредени.
„Русија денес“ повикувајќи се на изјави на сведоци пишува дека повеќе од сто лица, наводно припадници на десничарската партија УНА, носеле запалени факели и се движеле кон Мајдан, за да им одадат почит на жртвите од антивладините протести.
Но на плоштадот се сретнале со припадници на самоодбрана на Мајдан, кои го блокирале нивното движење, по што избила масовна тепачка.
Десничарите, според наводите на сведоците во судирот употребиле солзавец, петарди и шок-пиштоли, а многумина од нив имале и палки.
Припадниците за самоодбрана на крај им дозволиле на десничарите да продолжат кон украинскиот парламент.
Е. Г.