Предлогот за недоверба на претседателката на Европската Kомисија, Урсула фон дер Лајен, не го обезбеди потребното мнозинство на гласањето во Европскиот парламент.
Предлогот беше тесно отфрлен, со само 175 пратеници кои гласаа „за“, 360 „против“ и 18 „воздржани“.
Предлогот за недоверба, покренат од десничарскиот романски европратеник Георге Пипереа, ја обвини комисијата за недостаток на транспарентност и лошо управување, особено во врска со нејзината политика за Ковид-19.
Обраќајќи им се на европратениците во говорот во понеделник, фон дер Лајен ги отфрли обвинувањата, обвинувајќи ги своите противници дека немаат одговори на политичките проблеми и дека поттикнуваат теории на заговор.
За да успее гласањето – што би ги принудило фон дер Лајен и нејзиниот тим од 26 европски комесари да поднесат оставка – беше потребно двојно мнозинство, кое се состои од две третини од гласовите и мнозинство од 720 места во парламентот, пренесува ДПА.