Киднапирањето на француски државјанин од страна на исламисти во Алжир нема да ја одврати Франција од учество во меѓународната коалиција против радикалната група Исламска држава, изјави синоќа францускиот министер за надворешни работи Лоран Фабиус.
– Правиме се што е во наша моќ за ослободување на заложниците, изјави Фабијус на новинарско прашање во Њујорк, каде се наоѓа за претстојната седница на Генералното собрание на ОН.
Фабиус истакна дека една терористичка група нема да ги промени позициите на Франција.
Во неделата во Алжир исламистичка група блиска до Исламска држава го киднапира Французинот Ерве Гурдел. Групата вчера се закани дека ќе го убие Французинот ако Париз не запре со воздушните напади на позиции на ИД во Ирак.