Можно е околу 30.000 лица да се вмешани во криумчарски групи, кои бараат од бегалците илјадници евра за да ги пренесат во Европа, изјави шефот на европската полициска агенција Европол, Роб Вејнрајт.
– Откривањето на 71 тело минатиот месец во камион во Австрија го натера Европол да спроведе голема операција против трговијата со луѓе и за идентификување на осомничените, кои се многу повеќе отколку што агенцијата претпоставуваше, истакна Вејнрајт.
Тој наведува дека оваа година се собрани податоци за околу 30.000 осомничени криминалци и нивни соучесници.
– Европол, кој има околу 950 службеници, вработени во Хаг, координира 1.400 различни истраги за шверц со луѓе од целиот континент, тврди шефот на европската полиција.