Дел од унгарскиот парламент е евакуиран откако во подземна гаража која што се наоѓа во непосредна близина е пронајдена неексплодирана бомба од Втората Светска војна.
-Северното крило на парламентот и околното подрачје, вклучувајќи го и Етнографскиот музеј се евакуирани откако градежни работници пронајдоа бомба која што датира од Втората Светска војна, рече портпаролката на војската на Унгарија.
Таа додаде дека бомбата од советско производство е тешка околу 100 килограми и дека воени експерти работат на нејзино деактивирање.
Американските, британски и советски сили во текот на последните месеци од Втората Светска војна бомбардираа многу градови во Унгарија, сојузникот на нацистичка Германија, потсетува „Франс прес“.
Елена Георгиевска