Полскиот претседател Бронислав Коморовски денеска на претседателката на Долниот дом на Парламентот, Сејмот, Ева Копач и додели мандат за формирање на нова влада на Полска по оставката на досегашниот премиер Доналд Туск.
– Тоа ќе биде добра влада. Знам дека ќе имам тешка задача, но подготвена сум да се соочам со предивикот, изјави 57-годишната Копач по добивањето на мандатот.
Туск поднесе оставка на премиерската функција, откако беше избран за наследник на Херман ван Ромпуј на местото претседател на Европскиот совет.