Европската унија нема повторно да воведува внатрешни граници, туку ќе остане во сила правото на патување без пасоши низ просторот на Шенгенската унија и покрај притисоците да се воведе гранична контрола поради безбедност, соопшти денеска Европската комисија.
– Не се преговара за шенгенот и ЕК не планира да го менува, изјави портпаролот на ЕК, Кристијан Виганд, додавајќи оти шенгенските правила им дозволуваат на националните полиции да извршуваат контрола.
Белгија и уште неколку држави претходно побараа да се разгледа воведување на контрола на државните граници односно на внатрешните граници на ЕУ поради неодамнешниот напад на железницата и зголемениот прилив на мигранти од Блискиот Исток.