ЕУ привремено го забрани увозот на украинско жито во пет земји-членки

Од:

Европската комисија привремено го забрани увозот на пченица, пченка, маслодајна репка и сончоглед од Украина во пет земји-членки на ЕУ, со одредба дека овие производи сепак ќе можат да минуваат низ овие земји и да бидат во слободен промет во сите други земји членки и да продолжи со извозот.

Комисијата наведува дека станува збор за „привремена, превентивна мерка“, која е неопходна со оглед на исклучителните околности на сериозни логистички тесни грла во пет земји-членки – Бугарија, Унгарија, Полска, Романија и Словачка. Во исто време, Бугарија, Унгарија, Полска и Словачка ветија дека ќе ги укинат едностраните мерки што ги донесоа за забрана на увоз на пченица, пченка, маслодајна репка и сончоглед од Украина. Романија не воведе еднострани мерки.

„Целта е да се ублажат логистичките тесни грла поврзани со овие производи во Бугарија, Унгарија, Полска, Романија и Словачка. Мерките ќе стапат на сила на 2 мај и ќе траат до 5 јуни 2023 година“, соопшти Комисијата. Во овој период, овие производи ќе продолжат да бидат во слободен промет во сите земји-членки на Европската унија, освен во петте земји-членки на линијата на фронтот.

Овие производи може сè уште да транзитираат низ територијата на тие пет земји-членки преку заедничката царинска транзитна постапка. Во овие пет земји-членки ќе може да се увезуваат житни култури само доколку се наменети за транзит кон други членки на Унијата или во трети земји.

Би можело да ве интересира

Аларм во Полска: Сојузничките земји по втор пат подигнаа авиони во последните 24 часа

Горан Наумовски

(ВИДЕО) Огромен руски напад, 20 мртви во неколку градови, погодена детска болница во Киев

Горан Наумовски

Тешка сообраќајна несреќа во Украина, 14 загинати

Кремљ: Ердоган не може да биде посредник во разговорите меѓу Русија и Украина

Сојузниците на НАТО се договорија следната година да финансираат помош за Украина во износ од 40 милијарди евра

(ВИДЕО) Големи поплави во дел од ЕУ, се евакуира населението, се зголемува бројот на загинати

Горан Наумовски