Лидерите на Европската унија се договорија до 2030 година да ги намалат емисиите на штетени гасови за речиси 40 проценти во споредба со нивото од 1990 година, изјави претседателот на Европскиот совет, Херман ван Ромпуј.
Спогодбата, постигната на заседанието во Брисел, има за цел да помогне во борбата со климатските промени и му да даде пример на останатиот свет пред важните меѓународни преговори за климата, што ќе се оддржат следната година.
Лидерите на ЕУ, исто така, се договорија до 2030 година во ЕУ да се зголеми искористувањето на обновливата енергија до 27 проценти од вкупните потреби и до истото ниво да се зголеми и енергетската ефикасност.