Баскиската сепаратистичка група ЕТА објави дека ги расформирала своите логистичките и оперативните структури за борбени активности, како уште еден чекор кон нејзино целосно разоружување.
Расформирањето на своето вооружено крило групата Баскиска татковина и слобода (ЕТА) го објави во шпанскиот весник на баскиски јазик „Гара“, преку кој и во минатото ги објавуваше своите важни одлуки.
ЕТА, која е одгооврна за смртта на 829 лица во последниве четири децении, се залага за создавање на независна баскиска држвата не териториите на северна Шпанија и југозападна Франција.
На 20 октомври 2011 година ЕТА објави крај на својата вооружена борба, а лани во март најави почеток на процесот на разоружување.