Високата претставничка на ЕУ за надворешна политика и безбедност Кетрин Ештон повика денеска на воздржаност и политички дијалог во Египет, изразувајќи сочувство поради убиените во најновите насилства во Каиро.
– Судирот не може да биде решение. Решението за ваквата ситуација може единствено да биде политичко, засновано врз значаен и инклузивен дијалог, истакна Ештон.
Таа изрази и огромна загриженост поради продолжување на сексуалното злоставување на женски демонстранти.
Египетскиот претседател Мохамед Морси изјави дека нема да се повлече и покрај масовните протести во кои се бара негова оставка, како и покрај 48-часовниот ултиматум на војската.