Лава еруптираше од активниот вулкан Стромболи на истоимениот италијански остров, чија активност се интензивираше во последните четири дена, а густ чад го обви туристичкиот остров, јави денеска италијанскиот Институт за геофизика.
Стромболи е најсеверниот од седумте острови сместени на северо-источниот брег од Сицилија, во т.н. Липарски Острови, во Тиренското Море во близина на Сицилија.
Градоначалникот на Стромболи, Марк Џордани ги смири 500-те жители и рече дека ситуацијата е под контрола и дека не се во опасност. Експерти за цивилна заштита ќе дојдат за да ја проценат состојбата на вулканот.
Вулканот е постојано активен со чести ерупции, но денеска околу 3,00 часот по централно европско време е регистрирана силна експлозија, а лава изби и стигна до морето. Осум часа подоцна се појави голем облак и потоа имаше уште една ерупција.
Повеќе од 23 сеизмички потреси регистрирани се во последните часови, а се појави и магла над морето, поради загревање на водата.
Националниот институт за геофизика и вулканологија ја следи ситуацијата.