Турскиот претседател Реџеп Таип Ердоган трет ден по ред го откажа предизборниот митинг откако се разболе од гастроентеритис.
Ердоган, кој две децении е на чело на Турција, како премиер, а потоа и претседател, ќе се обиде да добие трет мандат на изборите на 14 мај.
Тој требаше да се појави на отворањето на мостот и на политички митинг во градот Адана, но неговото присуство беше откажано, па на церемонијата ќе се појави само преку видео бим, пренесе АП.
Ердоган беше хоспитализиран во средата наутро, откако се чувствуваше лошо за време на телевизиско интервју.
Американската новинска агенција наведува дека бил блед во четвртокот кога зборувал преку видео врска на отворањето на нуклеарната централа, додека денеска за време на видео обраќањето се појавил подобро за време на десетминутниот говор.