Ердоган: Повикуваме на нови напори за ставање крај на војната во Украина

Од:

Турскиот претседател Реџеп Тајип Ердоган повика на интензивирање на напорите за ставање крај на војната во Украина, додавајќи дека „нема губитници“ во праведен мир.

dobivaj vesti na viber

Ердоган рече дека Турција се обидува да води „урамнотежена политика“ поради нејзината голема зависност од рускиот увоз на енергија.

Турција ја снабдува Украина со вооружени дронови и друго оружје, но Ердоган ужива и блиски работни односи со рускиот претседател Владимир Путин, оценуваат западните медиуми.

– Треба да ги засилиме нашите дипломатски напори за да постигнеме трајно примирје, изјави Ердоган за новинарите на крајот од самитот на НАТО.

На состанокот во Мадрид, воената алијанса предводена од САД официјално ги покани Финска и Шведска да се приклучат на блокот.

Нивните кандидатури за членство беа одложени до последен момент од страна на Ердоган, кој побара гаранции дека скандинавските земји ќе се приклучат во борбата на Турција против тероризмот кога се во прашање припадниците на Курдската работничка партија (ПКК), како и ветување дека брзо ќе ги екстрадираат осомничените.

Ердоган предупреди дека спроведувањето на договорот од 10 точки од страна на Шведска и Финска ќе одреди дали тој ќе ја проследи нивната апликација за ратификација до турскиот парламент.

– Доколку ги исполнат обврските, ќе го испратиме во парламентот, ако не ги исполнат, за тоа нема да стане ни збор, потенцираше турскиот претседател.

Извор: МИА

Би можело да ве интересира

Работници од окупираната нуклеарна централа за Би-Би-Си: Русите нè имаат на нишан, тука изградија база

Уцената на Калуш Оркестра за „чистка“ на сцената од Руси не успеа, нема да настапат на фестивалот

Велика Британија, Данска и Германија најавија дополнителна воена помош за Украина

А1он

ОН негираат дека Анкара од Киев добила поевтино жито

Ана Ололовска

Русија создава нова копнена формација за поддршка на операцијата во Украина, тврди британското Министерство за одбрана

А1он

Украинска војска: Го извршивме досега најдлабокиот напад на окупираната територија

А1он