Владата на Израел под водство на Бенјамин Нетанјаху „е најголемата пречка за мир на Блискиот Исток“, изјави турскиот претседател Реџеп Таип Ердоган.
Ердоган го обвини Израел дека се обидува да „саботира“ секој обид за нуклеарни разговори меѓу САД и Иран, истакнувајќи дека израелските напади покажуваат дека Тел Авив не сака дипломатија.
Тој ги повика другите земји да не наседнуваат на „отровната реторика“ на Израел за конфликтот, туку наместо тоа да бараат дипломатско решение.
Голем број земји го повикуваат Иран да влезе во преговори за да се најде решение за сегашниот конфликт. Сепак, иранските претставници велат дека дипломатското решение не е можно додека продолжуваат израелските напади.