Египетските власти муго предложија на поранешниот гувернер на Централната банка Фарук ел Окда местото премиер на времената влада, откако лидерот на опозицијата Мухамед ел Барадеј тоа го одби, објави весникот „Ал Ахрам“.
Според весникот, разговорите со Ел Окда, кој сега се наоѓа во Лондон, започнаа откако Ел Барадеј одби да го преземе местото премиер, бидејќи, како што наведе, „попрво би и служел на државата неофицијално“.
Во меѓувреме, се споменуваат и други потенцијални имиња за премиер ако и Ел Окда ја одбие понудата, како што се банкарот Адел Ел Лабан и Мохамед Гонеим.