Десетици египетски новинари денеска во Каиро протестираа против нападите врз нивни колеги од поддржувачи на владеачкото движење „Муслиманско братство“, соопшти ДПА.
Главното обвинителство нареди да се почне со истрага по жалбата, поднесена од синдикатот на новинарите против „Муслиманско братство“.
Неколку новинари и камермани изјавија дека биле нападнати од приврзеници на „Муслиманско братство“, додека вчера известувале од протест пред седиштето на исламистичката организација во египетската престолнина.
„Муслиманско братство“ соопшти дека нивните поддржувачи биле предизвикани од демонстрантите, кои пишувале навредливи графити по ѕидовите на зградата, и инсистираат на тоа дека немало насилство врз новинарите.