Египетскиот уставен суд го прогласи за неуставен законот со кој е избран Сенатот во кој доминираат исламисти, но тој нема да биде распуштен пред да биде избран новиот парламент.
Одлуката на Судот е објавена денеска и во неа се вели дека Сенатот или Советот Шура, ќе биде распуштен откако ќе биде избран нов парламент.
Датум за нови избори не е определен. Според претседателот Мохамед Морси, тие може да се одржат во октомври. Освен тоа Уставниот суд ги прогласи за незаконски критериумите за состав на комисијата за изработка на новиот устав.