Египетската армија ја опколи денеска зградата на државната телевизија во Каиро со оклопни транспортери, а во зградата останаа само вработени кои се неопходни за емитување програма во живо.
Армијата ќе објави соопштение денеска по истекот на ултиматумот што муго даде на претседателот Мохамед Морси да ги исполни барањата на демонстрантите кои бараат негова оставка, тврди извор од армијата.
Армијата му даде рок денеска до 17 часот полокално време. Египетското МВР во меѓувреме соопшти дека одллучно ќе одговори на какво било насилство.
Полицијата соопшти дека ќе ги заштити граѓаните и ќе преземе мерки да спречи понатамошни крвопролевања во судирите на приврзаници и противници на Морси во кои од 26 јуни досега загинаа 47 луѓе.
Политичкото крило на владејачката Муслимански браќа одби да разговара со командантот на армијата.