Рибарски брод потона во Атлантскиот Океан на 80 километри од аргентинскиот град Росон во јужниот дел на земјата. Едно лице загина, а деветмина се водат како исчезнати без трага, соопшти локалната крајбрежна стража.
Спасени се двајца членови на екипажот. Едниот бил изваден од водата и качен на брод, додека другиот бил забележан од спасители кои пристигнале со хеликоптер.
Според податоците на крајбрежната стража рибарскиот брод потонал поради неповолни временски услови, но причините се уште се прецизираат.
Спасувачката операција е отежната поради лошите временски услови.