Еден човек го загуби животот и двајца се водат како исчезнати во поплави што ја погодија североисточна Австралија, соопштија денеска официјални лица.
Истовремено, околу илјада луѓе се евакуирани од погодените области.
Поплавите уследија по вчерашното торнадо во државата Квинсленд. Премиерот на таа држава изјави дека торнадото предивикало огромна штета во околина на градот Бундаберг, на околу 300 км. северно од Бризбејн.
Во почетокот на 2011 година, Квинселнд го погодија катастрофални поплави во кои загинаа повеќе од 30 луѓе.