Во градот Асаго, кој се наоѓа недалеку од Милано, со нож се избодени пет лица, јавуваат италијанските медиуми. Меѓу нив е и шпанскиот фудбалер, поранешниот играч на Арсенал, Пабло Мари.
Нападот се случил во трговски центар. Едно лице загина, а се работи за лице вработено во трговскиот центар. Две лица се тешко повредени. Напаѓачот (46) по случаен избор избодел луѓе и бил уапсен.
Полицијата соопшти дека не се работи за терористички напад и дека напаѓачот е психички болен. На терен биле неколку возила на брза помош и полиција.
Според карабинерите, откако напаѓачот украл нож од супермаркетот „Карфур“, од засега непознати причини избодел пет муштерии.