Сириски и руски воени претставници најверојатно ќе бидат под нова рунда санкции, изјави денеска британскиот министер за надворешни работи Борис Џонсон, пред средбата на Г7 во италијанскиот град Лука.
– Ќе разговараме за можност за нови санкции за лица од сириската армија, како и за руски воени лица, истакна Џонсон.
Тој додаде дека „санкциите може да бидат насочени кон лица кои координираат сириски воени напори и се под директна команда на режимот на Асад“.