Џихадистичката група „Аџнад Миср“ ја презеде одговорноста за експлозијата пред Универзитетот во Каиро, соопштувајќи на Твитер дека дејствувала како одговор на владините репресии врз студентите.
Египет беше зафатен од серија напади против безбедносните сили откако во јули 2013 година армијата го собори од власт и го уапси исламистичкиот претседател Мохамед Морси. Нападите најчесто се извршуваат од џихадистички групи како одмазда за крвавите репресии, чија мета според нив веќе една година се приврзаниците на Морси.
Експлозивна направа, која според полициски извори била рачно изработена бомба, вчера попладне избувна пред влезот на Универзитетот.