Движењето на Навални ги обвини Гугл и Епл дека попуштиле пред уцените на Кремљ

Од:

Движењето на рускиот опозициски лидер Алексеј Навални, кој се наоѓа в затвор од јануари, денеска ги обвини Гугл и Епл дека попуштиле пред уцените на Кремљ со отстранување на апликацијата која овозможува организирање гласање против партијата на претседателот Владимир Путин.
– Денеска во 08,00 часот по руско време, Гугл и Епл ја отстранија нашата апликација „Навални“ од нивните продавници. Со други зборови, тие попуштија пред уцените на Кремљ, објави на социјалната мрежа Телеграм соработникот на Навални во егзил, Леонид Волков.

dobivaj vesti na viber

Со оглед на тоа што речиси на ниту еден противник на Кремљ не му е дозволено да учествува на парламентарните избори, опозицијата воспостави стратегија за „паметно гласање“ наменета да го поддржи кандидатот кој е во најдобра позиција за да ја порази владејачката партија Единствена Русија.

Апликацијата им овозможува на корисниците да знаат за кој кандидат да гласаат во својата изборна единица. Оваа стратегија имаше успех и претходно, особено во Москва во 2019 година.

Утрово, апликацијата повеќе не беше достапна во продавниците на Гугл и Епл во Русија.

Американските компании засега не ги коментираат наводите.

Во Русија денеска започнаа парламентарни и локални избори, со отворање на првите избирачки места на Далечниот Исток. Изборите ќе траат три дена, до 19 септември, со цел да се ограничи ризикот од епидемијата на коронавирусот.

Би можело да ве интересира

Навални го повика Западот да почне огромна кампања на социјалните мрежи против „лудиот режим на Путин“

А1он

ЕУ ја осуди пресудата за рускиот опозиционер Навални

Ана Ололовска

Германија: Новата пресуда за Навални е бесрамно самоволие

А1он

Навални осуден на девет години затвор

Ана Ололовска

Навални прогласен за виновен за измама од особено големи размери

Ана Ололовска

Руското обвинителство бара 13 години затвор за Навални