Две лица ги загубија животите како резултат на бурата што го погоди источниот дел на Шпанија.
Бурата оштети ѕид, кој падна врз две лица во Картагена, соопштија владини извори.
Министерството за внатрешни работи издаде предупредување за овој викенд поради снежното невреме и ветрот ширум земјата кој достигнува брзина до 100 километри на час.
Невремето предизвика оштетување на инфраструктура, па така железница објави дека се соочува со оштетување на железничката пруга, поради што доцнат возови помеѓу Мадрид и Севиља, односно Валенсија.