Два гранати истрелани од израелски тенкови денеска погодија резервоар со гориво во единствената електроцентрала во Појасот Газа, соопшти портпаролот на локалната електродистрибутивна компанија.
Гранатите паднале врз еден од трите резервоара во комплексот на електроцентралата, во кои во моментов има складирано гориво.
Засега нема информации за настрадани во инцидентот.
Пред оваа хаварија, жителите на Газа електрична енергија добиваа само по три часа дневно.