Во престрелката што се случи утринава во Вашингтон две лица загинаа, а пет се ранети. Напаѓачот побегнал од местото на инцидентот.
Полицијата соопшти дека трага по маж со „просечна градба“, кој носел сини панталони и маица. Тој наводно е Афроамериканец.
– Не обидувајте се да го спречите, веднаш јавете ни се, велат од полицијата.
Пукањето се случило околу 3 часот по полноќ по локално време.
Причината за нападот засега не е позната.
Петмина повредени се пренесени во болница, а нивната состојба не е позната.