Двајца Палестинци загинаа денеска во израелски напади, соопшти палестинското Министерство за здравство на Западниот Брег.
Министерството ги идентификуваше убиените како 18-годишниот Ваел Миша и 20-годишниот Ахмед Калил, а не е познато дали двајцата се некако поврзани, пренесува АП.
Израелската армија (ИДФ) соопшти дека двајцата убиени претставуваат закана за војниците кои дејствуваат во градот Наблус и, исто така, рече дека пукале врз војниците.
ИДФ соопшти дека нападот се случил додека армијата и полицијата ги обезбедувале еврејските верници да се приближат до гробот на Јосиф во Наблус во текот на ноќта.
Евреите веруваат дека Јосиф е погребан таму, додека муслиманите веруваат дека тоа е почивалиштето на исламскиот свештеник од 18 век по име Шеик Јусеф Давикат.