Дваесет и осум рудари се повредени, од кои 18 потешко, при експлозија на метан во рудникот за јаглен Мисловице-Весола во јужниот дел на Полска, а едно лице се води како исчезнато, соопшти раководството на рудникот.
– Седуммина од повредените се наоѓаат во критична здравствена состојба, а некои имаат изгореници на 80 проценти од телото, изјави директорот на најблиската болница Мариуш Новак.
Инцидентот се случил синоќа на длабочина од 665 метри, а во зоната на експлозијата имало 37 рудари. Сите, освен еден, биле евакуирани. Пожарот кој избувнал по експлозијата го спречува трагањето по последниот рудар, чија судбина е неизвесна.