Дуда: НАТО мора да дејствува трезвено за да не избие Трета светска војна

Од:

Полскиот претседател Анджеј Дуда ги предупреди сите оние кои бараат поголем ангажман од НАТО и воена помош за Украина, дека Алијансата мора да дејствува трезвено и внимателно за да не избие Трета светска војна.

– Очигледно НАТО не е во војна бидејќи тоа може да значи Трета светска војна. НАТО мора да дејствува трезвено и претпазливо. Путин исто така дејствува претпазливо. Имајте предвид дека тој не ја напаѓа западна Украина, таму нема руски војници, рече полскиот претседател во интервју за провладиниот неделник Сјеќи, пренесува Бета.

Според полскиот претседател, претпазливоста на Путин произлегува од стравот од судир со единиците на НАТО во случај некоја граната да ја премине границата и да удри на полска територија.

– Тоа би значело ставање на сите сили на НАТО во состојба на готовност веднаш. Путин исто така го знае тоа. Дали тоа би значело војна? Денес е тешко да се теоретизира. Ситуацијата во Студената војна се враќа, кога двете страни стравуваа од инцидент што ќе доведе до целосен конфликт, изјави претседателот Дуда.

Полскиот претседател оцени дека од воено-политички аспект Украинците веќе ја добиле оваа војна.

– Ако го споредиме она што го знаеме за руската и украинската армија, ова не требаше да траат долго. Не подолго од два или три дена. Благодарение на храброста, решителноста и искуството на Украинците, тие сепак успеаја да ги спречат Русите. Имаат поддршка – политичка, материјална и морална, но тие се борат „НАТО не е во војна, тие се борат“, рече полскиот претседател.

Извор: МИА

Би можело да ве интересира

ВИДЕО: Украинците погодија рафинеријата на 800 километри на руска територија

Катерина Ѓуровски

Зеленски го повика Трамп да застане на страната на Украина: „Путин не се плаши од Европа“

Катерина Ѓуровски

Путин: Ги повлековме силите од областа Киев, иако знаевме дека можат да не измамат

Катерина Ѓуровски

Закани кон Орбан: Ќе има последици ако не поддржиш санкции за Русија

А1он

Киев ја спушта границата, во војна од 18 години

А1он

Дејвис: Русија не мора да преговара со никого

А1он