Продажбата на марихуана во Уругвај е под владина контрола, се во интерес на конзументите. Парламентот го разгледува законот за регулирање на пазарот на дрога.
„Денеска марихуаната доаѓа од црниот пазар… помешана е со други супстанци или содржи делови од билки кои не се за човечка употреба. Затоа државата ќе обезбеди марихуана со подобар квалитет“, рече Хулио Калсада.
„На црниот пазар 25 грама марихуана чини 500 пезоси (25 долари)“, вели тој и додаде дека соработува со меѓународни експерти и други домашни заинтересирани странки.
Утврдено е дека цената на марихуаната која државата ќе ја дистрибуира на легален начин, ќе биде блиску до просечната цена на нелегалниот пазар.
Предлог законот со кој државата би го регулирало производството и продажбата на марихуана, е поднесен до Парламентот на почетокот на август. Власта има намера да го одобри организираното одгледување канабис, наменето за лична употреба.
Според медиумите, секој потрошувач ќе има личен анонимен баркод-картичка со која би можел легално да купи по 40 грама марихуана месечно.
Во Уругвај, земја со 3.2 милиони жители, околу 20 илјади се луѓето кои редовно пушат марихуана.