Матичен лекар од француски Нант, 67 годишен, е обвинет за сексуално вознемирување на најмалку 65 пациентки во текот на неговата повеќедецениска кариера.
Тој тоа го правел под изговор дека врши прегледи на дојки за откривање на рак.
Најстарите случаи датираат од 1990-тите, пишува Фигаро.
Истрагата е покрената откако докторот станал жртва на брутален напад во неговата ординација во септември 2024 година – бил претепан од момчето на 20-годишна пациентка, кое рекло дека секој преглед бил „систематско и несоодветно допирање на дојките“.
Потоа полицијата идентификувала десетици жени, од кои многу биле под 25 години и не припаѓале на ризичната група за рак на дојка.
Според експертите, ниту еден од прегледите не бил во согласност со медицинските протоколи.
Докторот ги негира обвинувањата и тврди дека бил „опседнат со прегледи на дојки“.
До судењето, закажано за 10 декември, му е забрането да контактира со пациентки и да практикува медицина.